"А" КАТЕГОРИЈА

Лицето кое поседува “A“ категорија може да управува:

- Велосипед со помошен мотор,
- Мопед (со навршена 18 годишна возраст)
- Мопед (со навршена 16 годишна возраст за А1 подкатегорија)
- Лесен трицикл
- Трицикл
- Лесен четирицикл
- Четирицикл
- Работна машина и мотокултиватор (со навршена 14 годишна возраст)

Потребни документи за полагање ?

1. Лицето да наполнило 18 годишна возраст за "А" категорија, односно 16 годишна возраст за "А1"     подкатегорија.
2. Да е здравствено и психофизички способно да управува со моторно возило.
    Доказ - лекарско уверение за соодветна категорија, односно подкатегорија.
3. Да има завршено најмалку основно образование!
4. ПОТВРДА за проверка на знаењето од правилата за сообраќајот на патиштата и сообраќајните     знаци во траење од 12 наставни часа, за "А" категорија и "А1" подкатегорија.
5. ПОТВРДА за оспособеност на кандидат за возач на моторно возило и за возач на трактор во     траење од 16 наставни часа, за "А" категорија и "А1" подкатегорија.
6. Важечка лична карта!
7. Потврда за положена обука за прва помош!
8. Фотокопија од возачка дозвола, ако лицето поседува возачка дозвола од "Б" категорија!
    (Фотокопија од возачка дозвола заверена на нотар, тоа лице полага само практичен дел!)

Потребни документи за издавање на возачка потврда ?

Лицето од кога ќе го положи практичниот дел од возачкиот испит (ако поседува возачка дозвола од "Б" категорија), односно теоретскиот и практичниот дел од возачкиот испит (ако не поседува возачка дозвола од "Б" категорија) се стекнува со право на управување на моторно возило од "А1" ПОДКАТЕГОРИЈА (со работна зафатнина на моторот до 125 цм3), односно со право на управување на моторно возило од "А" КАТЕГОРИЈА (со работна зафатнина на моторот над 125 цм3 и сила на моторот поголема од 11 kW).
1. БАРАЊЕ за издавање возачка дозвола за прв пат!
2. УПЛАТА на МВР од 280,00 ден.
3. УПЛАТА на Трезорска сметка од 110,00 ден.

НАПОМЕНА:
- Лекарското уверение е со важност од 18 месеци.
- За подкатегориите "A1", "Б+Е", подетални информации во А.Ш. Зебра!
- Право на обука од 17,5 години.

Кондиционо возење

За сите оние кои одамна положиле и од тогаш не возеле Ви ја нудиме услугата кондиционо возење. Многу брзо ќе утврдиме колку Ви е потребно за да се вратите во форма, а потоа ќе Ви помогнеме без никаков стрес да го постигнете безбедното ниво на возачки вештини. Ќе поминеме заедно низ ситуациите кои ви задаваат проблеми, ќе ги извозиме сите делови од градот кои најчесто планирате да ги возите и да станете вистински возач во ШКОЛАТА ЗА ВИСТИНСКИ ВОЗАЧИ.

Инструктори

Нашите нструктори, кои поседуваат повеќегодишно искуство во работа со кандидати, ќе Ве запознаат на најбрз и најлесен начин со сите елементи на возењето.

Нашите вработени се столб на нашата организација. Правиме напори за непрекинато усовршување на инструкторите, кои се најодговорни носители на правилна и добро ускладена обука. Крајната цел на нашите напори е, секако, да се понудат најквалитетни услуги на нашите корисници. Поради одговорниот однос спрема кандидатите издржуваме и напредуваме во работата. Од нас, сигурно ќе добиете професионалност, стрпливост, стручност и спремност во секој момент да Ви излеземе во пресрет.

После долгогодишните напори на екипирање на тимот кој е добитна комбинација, чест ни е да Ви ги представиме нашите инструктори:

- Велјанов Димче: "A", "Б", "Ц", "Ц+Е" и "Д" - категорија;
- Ѓорѓиевски Зоран: "Б", "Ц" и "Ц+Е" - категорија;
- Сотиров Никола: "Б" - категорија;

Проверка пред поаѓање за возење

Возење на мотор и велосипед со мотор има своја убавина и шарм само тогаш кога се одвива несметано, сигурно и безбедно. За да се постигнат тие предуслови и возењето да представува задоволство, треба да се поштоваат некои законитости, за кои ние во авто школа Зебра можеме да Ве посоветуваме.

Опрема на мотор и велосипед со мотор

За безбедно и удобно возење на мотор или велосипед со мотор мора да биди технички исправен. Најважен дел се пневматиците со соодветен профил посебно оние за возење на влажен и лизгав пат. Мора да поседува светло во бела боја на предната и црвено позиционо светло (како и стоп црвено светло) на задната страна. Потребно е да поседуваат покажувачи на правци и возачки огледала.

Безбедно возење

За безбедно и сигурно возење на мотор или велосипед со мотор,треба да се поштоваат постоечките сообрајќајни прописи и правила. Посебно е важна страната на движење (покрај десната ивица на коловозот или по средината на сообрајќајната трака, ако се движиме по средната или левата). Возачите на мотори и велосипеди со мотор спаѓаат во групата на најзагрозени учесници во сообрајќајот, и најчесто се жртви на сообрајќајни незгоди. Да се биде приметлив за другите учесници во сообрајќајот е едно од најважните работи за поголема безбедност. Освен уклучени светла, подобра приметливост можеме да постигнеме со облека со по живи бои, пожелно со делови или елек од рефлектирачка материја. Секогаш имајте на памет дека постои можност од пролизгување и паѓање.

Некои правила за возење мотор и велосипед со мотор

Возач на мотор или велосипед со мотор е должен да вози и внимава на рамнотежата на своето возило и при тоа да не им смета на другите учесници во сообрајќајот. Не смее да го испушта управувачот од рака, да се држи за други возила, да превезува, влечи или турка предмети кои би сметале во возењето или можат да го доведат во опасност самиот возач и другите учесници во сообрајќајот. Смее да превезува друга особа само ако на моторот или велосипедот со мотор има поебно седиште. Ако вози во група, возачите на овие возила мораат да се движат еден позади друг, но никако еден покрај друг. За време на управувањето, на глава мора да се носи заштитната кацига и уредно да е закопчана.